Luis Enrikening "PSJ"dagi birinchi mavsumi haqidagi Movistar+ hujjatli filmining yangi seriyasida ijodkorlar Chempionlar ligasi doirasidagi parijliklar va “Barselona” uchrashuvi haqida gapirib berishdi.
Serialda Enrike Xavi boshqaruvida bo‘lgan "blaugrana" haqida fikr yuritadi:
"Ikki mavsum davomida Xavi qo‘l ostidagi "Barselona" ustun jamoa emas edi va to‘pga egalik qilishni nazorat qilmadi. Agar bu mening vaqtimda sodir bo‘lganida, biz nafaqat tanqidga duch kelgan bo‘lardik, balki hamma narsa bundan ham yomonroq bo‘lar edi. Ammo tarix o‘zgarmoqda.
Agar siz Xavi tarafdori bo‘lsangiz, uni klubdagi uchinchi muhim odam deb hisoblaysiz (Kroyff va Gvardioladan keyin). Ammo savolga xolis yondashsangiz, u haqida xuddi "Eybar" darajasidagi murabbiydek gapirasiz. Mening qo‘l ostimda "Barsa" DNK bilan o‘ynadi, Xavi davrida esa bunday qilmadi", dedi murabbiy.
