"Barselona" yarim himoyachisi Gavi tizzasidan olgan jiddiy jarohati tufayli o‘tgan yilning noyabr oyidan beri maydonga tushmayapti.

Yaqin orada yosh futbolchi yana "ko‘k-anorranglilar" safiga qaytishi kerak. Gavi Ispaniya terma jamoasi bilan o‘yinda jarohat olgan va Mundo Deportivo xabariga ko‘ra, "Barselona" FIFAning klublarni himoya qilish dasturi doirasida olingan jarohatlar uchun jami 6 million yevrodan ko‘proq pulga ega bo‘ladi.

"Ko‘k-anorranglilar" FIFAdan allaqachon 4,6 million yevro olgan - bu klubning 2023/2024 yilgi mavsum uchun moliyaviy hisobotida aks etgan.

Qolgan 1,6 million pul o‘z vaqtida to‘lanadi va 2024/2025 yilgi mavsum uchun moliyaviy hisobotga kiritiladi.