"Барселона" ярим ҳимоячиси Гави тиззасидан олган жиддий жароҳати туфайли ўтган йилнинг ноябрь ойидан бери майдонга тушмаяпти.

Яқин орада ёш футболчи яна "кўк-анорранглилар" сафига қайтиши керак. Гави Испания терма жамоаси билан ўйинда жароҳат олган ва Mundo Deportivo хабарига кўра, "Барселона" ФИФАнинг клубларни ҳимоя қилиш дастури доирасида олинган жароҳатлар учун жами 6 миллион евродан кўпроқ пулга эга бўлади.

"Кўк-анорранглилар" ФИФАдан аллақачон 4,6 миллион евро олган - бу клубнинг 2023/2024 йилги мавсум учун молиявий ҳисоботида акс этган.

Қолган 1,6 миллион пул ўз вақтида тўланади ва 2024/2025 йилги мавсум учун молиявий ҳисоботга киритилади.