Fransiya terma jamoasi bosh murabbiyi Didye Desham Belgiyaga qarshi Millatlar ligasi uchrashuvi oldidan jurnalistlar savollariga javob berdi.
“Biz motivasiyaga ega belgiyaliklarga qarshi maydonga chiqamiz va bu safar ular yanada motivasiyaga ega bo‘lishadi.
Muhim uchrashuvlarda tez-tez uchrashamiz. Biz qo‘shni bo‘lganimiz uchun oramizda jiddiy raqobat bor, lekin adovat yo‘q. Jamoa futbolchilari bir-birini juda yaxshi bilishadi.
Avvalgi uchrashuvlarda Belgiya ustidan qozonilgan g‘alabalar bizga psixologik ustunlik beradi deb o‘ylamayman. Bu allaqachon o‘tmish, tarkiblar ham o‘zgarib bormoqda», - deya Desham so‘zlarini keltiradi "Fotmob".
