Angliya terma jamoasi bosh murabbiyi Li Karsli Millatlar ligasidagi uchrashuv haqida fikr bildirdi.

Angliya terma jamoasi Millatlar ligasi doirasidagi o‘yinda Finlyandiya jamoasini mag‘lub etdi (3:1). Vaqtinchalik murabbiy Li Karsli o‘z futbolchilarining o‘yini haqida fikr bildirdi.

Jamoa o‘yini haqida: “Jamoa yaxshi javob qaytardi va uchta gol urdi. Bu kecha biz ancha yaxshi edik, to‘pni ko‘proq nazorat qildik. Bizda ko‘p paslar bo‘ldi va vaziyatlar yaratdik. Ammo biz ko‘proq narsani qila olamiz."

Finlyandiyaning o‘yini haqida: “Finlyandiya yaxshi tashkil etilgan, chunki ular beshta himoyachi bilan o‘ynashadi. Biz o‘zimiz uchun joy yaratish uchun kutishimiz kerak edi. Agar sizda ko‘p to‘pga ega bo‘lsangiz, 70 daqiqadan so‘ng har doim imkoniyatlar bo‘ladi”.

Trentning o‘yini haqida (chap qanot himoyachisi sifatida o‘ynadi): "Trentning sifati o‘zi uchun gapiradi. U maydonda o‘z o‘rnini topdi. Chap qanot himoyasida muammolarimiz bor edi, ammo hozir Trent samarali pozisiyada”.

Din Xendersonning debyuti haqida: “U o‘z darvozasi daxlsizligini saqlab qola olmagani juda achinarli. Biz bir nechta o‘zgarishlar qildik va ehtimol maydonda o‘z o‘rnimizni yo‘qotdik".

Jek Grilish haqida: “Jek ajoyib edi. U Gresiyaga qarshi oxirgi o‘yinda juda samarali bo‘lardi. Men u uchun xursand bo‘ldim" - dedi Karsli.