Neymar 21 oktyabr kuni Osiyo chempionlar ligasida "Al-Hilol" safida o‘ynashi mumkin.
ESPN Brasil xabariga ko‘ra, 32 yoshli hujumchi tizzasidan olgan jarohatidan tiklanishida sezilarli yaxshilanishga erishgan. Taxminlarga ko‘ra, u "Al-Ayn"ga qarshi o‘yinga tayyor bo‘ladi.
Futbolchi 2023 yil oktyabr oyida Braziliya bilan o‘yinda tizzasidan jarohat olib, deyarli bir yil maydonga tusha olmadi.
Braziliyalik futbolchi 29 sentyabr kuni "Al-Hilol" bilan mashg‘ulotlarga qaytdi. Uning qachon maydonga qaytishi borasida yakuniy qarorni klub bosh murabbiyi Jorje Jejush qabul qiladi. Buning uchun unga Neymarni operasiya qilgan Braziliya terma jamoasi shifokori Rodrigo Lasmar roziligi kerak bo‘ladi. Lasmar yaqin kunlarda Saudiya Arabistoniga borib, futbolchining jismoniy tayyorgarligini baholashi kutilmoqda.
Braziliya futbol federasiyasi vaziyatni diqqat bilan kuzatib bormoqda va Neymar noyabr oyida Venesuela va Urugvayga qarshi jahon chempionati saralash o‘yinlariga tayyor bo‘lishiga umid qilmoqda.
