O‘zbekiston milliy jamoasi yarim himoyachisi Jamshid Iskanderov BAAga qarshi o‘yin oldidan intervyu berdi.
"Jamoamiz hozir juda yaxshi holatda. Charchoqlar chiqdi. Barcha o‘yinga 100 foiz tayyor. Oson o‘yin bo‘lmaydi. G‘alaba uchun qo‘limizdan kelganini qilamiz. Raqibning hujumida individual kuchli o‘yinchilari bor ekanligini bildik, ammo biz baribir g‘alabaga harakat qilamiz. Ob-havo ajoyib. Yomg‘ir biroz maydonga xalaqit berishi mumkin. Har bir o‘yinchining yo‘qligi bilinadi, ammo yigitlar ularning o‘rnini yopishga harakat qiladi", - dedi Iskanderov.
Eslatib o‘tamiz, uchrashuv ertaga, 15 oktyabr kuni Toshkent vaqti bilan 19:00 da start oladi.
