Myunxenning "Bavariya" klubi rahbariyati uch nafar futbolchi bilan mehnat shartnomalarini uzaytirish borasida muzokaralar olib bormoqda.

Jurnalist Florian Plettenbergning so‘zlariga ko‘ra, matbuotdagi sukunatga qaramay, Leroy Sane bilan shartnomani uzaytirishning hamon iloji bor.

Manbaga ko‘ra, "Bavariya" asosiy kuchini Musiala va Kimmixni saqlab qolishga qaratgan, biroq hech kim Saneni ham yo‘qotishni rejalashtirmayapti.

Nemis futbolchisining o‘zi qishki transfer oynasida boshqa klublar bilan muzokara olib bormaydi, garchi uning "Bavariya" bilan shartnomasi mavsum oxirida yakuniga yetsa ham. Ta’kidlanishicha, Sanening ustuvor vazifasi hozirgi klubida qolish bo‘ladi.