Мюнхеннинг "Бавария" клуби раҳбарияти уч нафар футболчи билан меҳнат шартномаларини узайтириш борасида музокаралар олиб бормоқда.
Журналист Флориан Плеттенбергнинг сўзларига кўра, матбуотдаги сукунатга қарамай, Лерой Сане билан шартномани узайтиришнинг ҳамон иложи бор.
Манбага кўра, "Бавария" асосий кучини Мусиала ва Киммихни сақлаб қолишга қаратган, бироқ ҳеч ким Санени ҳам йўқотишни режалаштирмаяпти.
Немис футболчисининг ўзи қишки трансфер ойнасида бошқа клублар билан музокара олиб бормайди, гарчи унинг "Бавария" билан шартномаси мавсум охирида якунига етса ҳам. Таъкидланишича, Саненинг устувор вазифаси ҳозирги клубида қолиш бўлади.
