"PSJ" rahbariyati Shvesiya matbuotida paydo bo‘lgan so‘nggi mish-mishlar munosabati bilan Kilian Mbappega qo‘yilgan ayblov haqida bayonot berdi.
Eslatib o‘tamiz, yaqinda futbolchi yaqinlari bilan dam olayotgan mehmonxonada qizning zo‘rlangani bo‘yicha polisiya tergov boshlagani haqidagi xabarga futbolchi javob qaytargan edi. Mbappe uning sobiq jamoasi bu bilan bog‘liqligini ta’kidladi.
"Rostini aytsam, bu sharmandalik. "PSJ" u bilan sodir bo‘lgan hamma narsa uchun javobgardir. "Real"da birorta ham gol ura olmadi (penaltidan tashqari)? Bu "PSJ"ning aybi. Haqiqatan ham u Fransiya jamoasining o‘yinlarini o‘tkazib yubordimi? Bu "PSJ"ning aybi. Endi "PSJ" Shvesiyada hikoyalar uydirmoqda. Keling, bunga e’tibor bermaylik", - dedi fransuz klubi rahbariyatining so‘zlaridan iqtibos keltirmoqda L'Equipe nashri.
Eslatib o‘tamiz, Mbappe joriy mavsum boshlanishidan oldin "PSJ"dan "Real"ga o‘tgandi. Parij klubi fransuz futbolchisidan 50 million yevro maoshdan qarzdor.
Avvalroq OAVda Fransiyaning amaldagi chempioni 2024 yil aprelidan beri Mbappening maoshi va turli bonuslarni to‘lamagani haqida ma’lumotlar paydo bo‘lgandi.
