"ПСЖ" раҳбарияти Швеция матбуотида пайдо бўлган сўнгги миш-мишлар муносабати билан Килиан Мбаппега қўйилган айблов ҳақида баёнот берди.
Эслатиб ўтамиз, яқинда футболчи яқинлари билан дам олаётган меҳмонхонада қизнинг зўрлангани бўйича полиция тергов бошлагани ҳақидаги хабарга футболчи жавоб қайтарган эди. Мбаппе унинг собиқ жамоаси бу билан боғлиқлигини таъкидлади.
"Ростини айтсам, бу шармандалик. "ПСЖ" у билан содир бўлган ҳамма нарса учун жавобгардир. "Реал"да бирорта ҳам гол ура олмади (пеналтидан ташқари)? Бу "ПСЖ"нинг айби. Ҳақиқатан ҳам у Франция жамоасининг ўйинларини ўтказиб юбордими? Бу "ПСЖ"нинг айби. Энди "ПСЖ" Швецияда ҳикоялар уйдирмоқда. Келинг, бунга эътибор бермайлик", - деди француз клуби раҳбариятининг сўзларидан иқтибос келтирмоқда L'Equipe нашри.
Эслатиб ўтамиз, Мбаппе жорий мавсум бошланишидан олдин "ПСЖ"дан "Реал"га ўтганди. Париж клуби француз футболчисидан 50 миллион евро маошдан қарздор.
Аввалроқ ОАВда Франциянинг амалдаги чемпиони 2024 йил апрелидан бери Мбаппенинг маоши ва турли бонусларни тўламагани ҳақида маълумотлар пайдо бўлганди.
