"Real Madrid" sayti o‘tgan mavsumda dunyoning eng ko‘p tashrif buyurilgan futbol klubiga aylandi.

SimilarWeb tahliliy kompaniyasi ma’lumotlariga ko‘ra, Madrid klubining rasmiy saytiga oyiga o‘rtacha 8,9 million marta tashrif buyurgan. O‘tgan mavsum yakunida "Real Madrid" saytiga tashrif buyurgan noyob foydalanuvchilar soni bo‘yicha rekord qayd etildi – 68 million kishi, bu avvalgi davrga nisbatan 2 foizga ko‘p.

"Liverpul" veb-saytlar trafigiga ko‘ra 2-o‘rinni egalladi, 3-o‘rin "Manchester Yunayted"ga nasib etdi.

Eslatib o‘tamiz, “Real Madrid” sayti ketma-ket 8 yil davomida ushbu ko‘rsatkich bo‘yicha yetakchi bo‘lib kelmoqda.

Top-10 quyidagicha ko‘rinish oldi:

1. «Real» – 8,9 mln (bir oyda o‘rtacha tashriflar);

2. «Liverpul» – 8,2 mln;

3. «Manchester Yunayted» – 6,9 mln;

4. «Arsenal» – 6,4 mln;

5. «Bavariya» – 5,4 mln;

6. «Chelsi» – 4,7 mln;

7. «Manchester Siti» – 3,5 mln;

8. «Barselona» – 3,2 mln;

9. «PSJ» – 2 mln;

10. «Milan» – 1,7 mln.