"Реал Мадрид" сайти ўтган мавсумда дунёнинг энг кўп ташриф буюрилган футбол клубига айланди.

SimilarWeb таҳлилий компанияси маълумотларига кўра, Мадрид клубининг расмий сайтига ойига ўртача 8,9 миллион марта ташриф буюрган. Ўтган мавсум якунида "Реал Мадрид" сайтига ташриф буюрган ноёб фойдаланувчилар сони бўйича рекорд қайд этилди – 68 миллион киши, бу аввалги даврга нисбатан 2 фоизга кўп.

"Ливерпуль" веб-сайтлар трафигига кўра 2-ўринни эгаллади, 3-ўрин "Манчестер Юнайтед"га насиб этди.

Эслатиб ўтамиз, “Реал Мадрид” сайти кетма-кет 8 йил давомида ушбу кўрсаткич бўйича етакчи бўлиб келмоқда.

Топ-10 қуйидагича кўриниш олди:

1. «Реал» – 8,9 млн (бир ойда ўртача ташрифлар);

2. «Ливерпуль» – 8,2 млн;

3. «Манчестер Юнайтед» – 6,9 млн;

4. «Арсенал» – 6,4 млн;

5. «Бавария» – 5,4 млн;

6. «Челси» – 4,7 млн;

7. «Манчестер Сити» – 3,5 млн;

8. «Барселона» – 3,2 млн;

9. «ПСЖ» – 2 млн;

10. «Милан» – 1,7 млн.