Londonning "Arsenal" klubi va Italiya terma jamoasi himoyachisi Rikkardo Kalafyori Angliya Premyer-ligasi va Italiya A Seriyasi o‘rtasidagi farqlar haqida gapirdi.
"Angliya Premyer-ligasi, jumladan, shiddatlilik nuqtai nazaridan ham butunlay boshqacha liga. Har bir uchrashuv, hatto kichik jamoalarga qarshi ham shiddatli o‘tadi. Agar siz ikkita gol bilan oldinga chiqmasangiz, ustunligingizni yo‘qotish xavfi bor. Asosiysi shiddatlilik va men uni terma jamoaga olib kelib, jamoaga yordam berishga harakat qilaman", - deb Kalafyori so‘zlarini keltirmoqda Tuttomercatoweb.
22 yoshli Kalafyori o‘tgan yozda "Bolonya"dan "Arsenal"ga o‘tgan edi. Bu vaqt ichida himoyachi "kanonirlar"ning barcha turnirlardagi sakkizta uchrashuvida qatnashib, bitta gol urgan.
