Лондоннинг "Арсенал" клуби ва Италия терма жамоаси ҳимоячиси Риккардо Калафьори Англия Премьер-лигаси ва Италия А Серияси ўртасидаги фарқлар ҳақида гапирди.
"Англия Премьер-лигаси, жумладан, шиддатлилик нуқтаи назаридан ҳам бутунлай бошқача лига. Ҳар бир учрашув, ҳатто кичик жамоаларга қарши ҳам шиддатли ўтади. Агар сиз иккита гол билан олдинга чиқмасангиз, устунлигингизни йўқотиш хавфи бор. Асосийси шиддатлилик ва мен уни терма жамоага олиб келиб, жамоага ёрдам беришга ҳаракат қиламан", - деб Калафьори сўзларини келтирмоқда Tuttomercatoweb.
22 ёшли Калафьори ўтган ёзда "Болонья"дан "Арсенал"га ўтган эди. Бу вақт ичида ҳимоячи "канонирлар"нинг барча турнирлардаги саккизта учрашувида қатнашиб, битта гол урган.
