"Barselona" vingeri Ansu Fati va jamoa hujumchisi Pau Viktor "Sevilya"ga qarshi bo‘lib o‘tadigan o‘yinda ilk daqiqalardanoq maydonga tushishi kutilmoqda. Bu haqda Diario Sport xabar bermoqda.
Avvalroq, Fati "Barselona"ni tark etishni istamasligi va jamoa bosh murabbiyi Xans-Diter Flikga o‘zining munosibligini isbotlamoqchi ekanligi haqida ma’lumotlar paydo bo‘lgandi. Aytish joizki, bu mavsumda Fati hali “Barselona”ning asosiy tarkibida maydonga tushmagan.
20 oktyabr, yakshanba kuni Ispaniya La Ligasining o‘ninchi turidan o‘rin olgan “Barselona” – “Sevilya” uchrashuvi bo‘lib o‘tadi. Uchrashuvning boshlanishi Toshkent vaqti bilan 22:00ga belgilangan.
