"Барселона" вингери Ансу Фати ва жамоа ҳужумчиси Пау Виктор "Севилья"га қарши бўлиб ўтадиган ўйинда илк дақиқаларданоқ майдонга тушиши кутилмоқда. Бу ҳақда Diario Sport хабар бермоқда.
Аввалроқ, Фати "Барселона"ни тарк этишни истамаслиги ва жамоа бош мураббийи Ханс-Дитер Фликга ўзининг муносиблигини исботламоқчи эканлиги ҳақида маълумотлар пайдо бўлганди. Айтиш жоизки, бу мавсумда Фати ҳали “Барселона”нинг асосий таркибида майдонга тушмаган.
20 октябр, якшанба куни Испания Ла Лигасининг ўнинчи туридан ўрин олган “Барселона” – “Севилья” учрашуви бўлиб ўтади. Учрашувнинг бошланиши Тошкент вақти билан 22:00га белгиланган.
