Stanislav Cherchesov Qozog‘istonda natijalar uchun emas, balki qozoq tilidagi savolga munosabat bildirgani uchun yana tanqidga uchradi. Bu voqeadan so‘ng Qozog‘iston futbol federasiyasi bayonot berdi.

"Stanislav Cherchesov qozoq tiliga, mamlakatimiz madaniyatiga katta hurmat bilan qaraydi. Shuningdek, u qozoq tilini faol o‘rganayotganini e’lon qilamiz", — deyiladi federasiya xabarida.

Aytish joizki, Stanislav Cherchesov boshchiligidagi Millatlar ligasining to‘rtta uchrashuvida Qozog‘iston terma jamoasi birorta ham g‘alabaga erisha olmadi. Jamoa bir marta ham gol ura olmadi – 0:0, 0:3, 0:4, 0:1.