Станислав Черчесов Қозоғистонда натижалар учун эмас, балки қозоқ тилидаги саволга муносабат билдиргани учун яна танқидга учради. Бу воқеадан сўнг Қозоғистон футбол федерацияси баёнот берди.

"Станислав Черчесов қозоқ тилига, мамлакатимиз маданиятига катта ҳурмат билан қарайди. Шунингдек, у қозоқ тилини фаол ўрганаётганини эълон қиламиз", — дейилади федерация хабарида.

Айтиш жоизки, Станислав Черчесов бошчилигидаги Миллатлар лигасининг тўртта учрашувида Қозоғистон терма жамоаси бирорта ҳам ғалабага эриша олмади. Жамоа бир марта ҳам гол ура олмади – 0:0, 0:3, 0:4, 0:1.