Kilian Mbappening advokati futbolchining zo‘rlashda ayblanayotgani haqidagi mish-mishlarga javob berdi.
Avvalroq, «Real» hujumchisining Shvesiyaga safari chog‘ida do‘stlari bilan tunab qolgan Stokgolm markazidagi mehmonxonada zo‘rlash haqidagi shikoyat yuzasidan polisiya tekshiruvi boshlangandi. Mbappe bu ma’lumotni "soxta" deb atadi.
Shvesiya prokuraturasi bugun zo‘rlash bo‘yicha shikoyatdan so‘ng dastlabki tergov boshlanganini e’lon qildi. Biroq ko‘p o‘tmay, zo‘rlangan ayol Mbappeni voqea aybdori deb atagani haqida ma’lumot paydo bo‘ldi.
"Bizga shikoyat haqida xabar berishdi, ammo hozircha biz aybdorning aniq kimligini ham bilmaymiz.
Shikoyat haqiqatni tasdiqlamaydi, shikoyat hech narsani isbotlamaydi", dedi Mari-Aliks Kanu-Bernard.
