Килиан Мбаппенинг адвокати футболчининг зўрлашда айбланаётгани ҳақидаги миш-мишларга жавоб берди.
Аввалроқ, «Реал» ҳужумчисининг Швецияга сафари чоғида дўстлари билан тунаб қолган Стокгольм марказидаги меҳмонхонада зўрлаш ҳақидаги шикоят юзасидан полиция текшируви бошланганди. Мбаппе бу маълумотни "сохта" деб атади.
Швеция прокуратураси бугун зўрлаш бўйича шикоятдан сўнг дастлабки тергов бошланганини эълон қилди. Бироқ кўп ўтмай, зўрланган аёл Мбаппени воқеа айбдори деб атагани ҳақида маълумот пайдо бўлди.
"Бизга шикоят ҳақида хабар беришди, аммо ҳозирча биз айбдорнинг аниқ кимлигини ҳам билмаймиз.
Шикоят ҳақиқатни тасдиқламайди, шикоят ҳеч нарсани исботламайди", деди Мари-Аликс Кану-Бернард.
