Angliya va Uels Futbolchilar Assosiasiyasi kalendar bo‘yicha sud jarayonlari haqida gapirdi.
“Manchester Siti” va Ispaniya terma jamoasi yarim himoyachisi Rodri taqvim tig‘izligi sababli ehtimoliy ish tashlash haqida birinchi bo‘lib gapirib chiqqandi.

Uni top-klublarning futbolchilari va murabbiylari qo‘llab-quvvatladi.

“Iyun oyida biz Belgiya sudiga da’vo arizasi bilan birinchi qadamni qo‘ydik. Ikkinchi bosqich - musobaqalarni o‘tkazish bo‘yicha ligalar bilan koalisiya tuzish edi.

Bu butun futbolga ta’sir qiladigan masala. Angliyada o‘yin sifati yomon ekanini hatto muxlislar ham tushunishadi. Ko‘p o‘yin o‘ynaganingizda, elita o‘yinchilari azob chekishadi, balki butun sport ham.

FIFA va UEFAning qarori milliy musobaqalar va kamtarroq jamoalarga ta’sir qildi. "Real Madrid" yoki "Manchester Siti" 75-80 tagacha o‘yin o‘tkazishi mumkin, bundan tashqari oldingi mavsumlarning umumiy effekti ham bo‘ladi. Biz uchta qadamni taklif qilamiz:

1. Yozda musobaqalarsiz majburiy dam olish.

2. Ketma-ket o‘yinlarning maksimal sonini cheklash.

3. Maksimal o‘yinlar sonini cheklash - yiliga 60 tadan ko‘p emas.

Angliyada bu muammo hammaga ta’sir qiladi. Ba’zilar juda ko‘p o‘ynagani uchun, boshqalari esa jamoalar sonini 18 taga qisqartirish bo‘yicha bosim qiladi, eng kamtarona klublar eng ko‘p zarar ko‘radi", dedi PFA ijrochi direktori Maheta Molango.