"Barselona" darvozaboni Mark-Andre ter Shtegen jarohati tufayli safdan chiqqanidan so‘ng, Germaniya terma jamoasida darvozabon masalasida savollar paydo bo‘ldi.
“Fulxem”dan Bernd Leno terma jamoaga taklif oldi.
Biroq futbolchi zahiradagi uchinchi darvozabon bo‘lishdan bosh tortdi va terma jamoaga bormadi. Germaniya terma jamoasi sport direktori Rudi Fyollerning fikricha, Leno shoshqaloqlik bilan qaror qilgan.
"Leno Nagelsmann unga katta imkoniyat berishni rejalashtirganini unchalik tushunmadi. Bu haqda darvozabon masalasini muhokama qilganimizda murabbiyning o‘zi aytgandi.
Menimcha, unda imkoniyat bo‘lardi.
Murabbiy unga buni tushuntirishga harakat qildi", - deya Fyollerning so‘zlarini keltiradi Bild.
