"Барселона" дарвозабони Марк-Андре тер Штеген жароҳати туфайли сафдан чиққанидан сўнг, Германия терма жамоасида дарвозабон масаласида саволлар пайдо бўлди.
“Фулхэм”дан Бернд Лено терма жамоага таклиф олди.
Бироқ футболчи заҳирадаги учинчи дарвозабон бўлишдан бош тортди ва терма жамоага бормади. Германия терма жамоаси спорт директори Руди Фёллернинг фикрича, Лено шошқалоқлик билан қарор қилган.
"Лено Нагельсманн унга катта имконият беришни режалаштирганини унчалик тушунмади. Бу ҳақда дарвозабон масаласини муҳокама қилганимизда мураббийнинг ўзи айтганди.
Менимча, унда имконият бўларди.
Мураббий унга буни тушунтиришга ҳаракат қилди", - дея Фёллернинг сўзларини келтиради Bild.
