Bugun, 16 oktyabr kuni O‘zbekiston milliy terma jamoasi 1994 yilgi Osiyo o‘yinlarida chempionlikni qo‘lga kiritganiga 30 yil to‘ldi. Milliy jamoamiz "B" guruhida Saudiya Arabistoni, Malayziya, Gonkong va Tailand bilan kuch sinashgan holda 12 ochko bilan pley-offga yo‘l olgan.
Birodar Abduraimov hamda Rustam Akramov boshchiligidagi jamoamiz chorak finalda Turkmanistonni 3:0 hisobida taslim qilgan. Yarim finalda esa Janubiy Koreya 1:0 hisobida dog‘da qoldirilgan. Finalda Xitoy 4:2 hisobida mag‘lub etilib, tarixiy chempionlik tantana qilingan. Ushbu chempionlik ilk xalqaro sovrinlardan biri bo‘lganligi sababli qadrlanadi.
O‘zbek futboli ixlosmandlari va mazkur Osiyo o‘yinlari ishtirokchilarini tarixiy sana bilan muborakbod etamiz.
