Бугун, 16 октябрь куни Ўзбекистон миллий терма жамоаси 1994 йилги Осиё ўйинларида чемпионликни қўлга киритганига 30 йил тўлди. Миллий жамоамиз "Б" гуруҳида Саудия Арабистони, Малайзия, Гонконг ва Таиланд билан куч синашган ҳолда 12 очко билан плей-оффга йўл олган.
Биродар Абдураимов ҳамда Рустам Акрамов бошчилигидаги жамоамиз чорак финалда Туркманистонни 3:0 ҳисобида таслим қилган. Ярим финалда эса Жанубий Корея 1:0 ҳисобида доғда қолдирилган. Финалда Хитой 4:2 ҳисобида мағлуб этилиб, тарихий чемпионлик тантана қилинган. Ушбу чемпионлик илк халқаро совринлардан бири бўлганлиги сабабли қадрланади.
Ўзбек футболи ихлосмандлари ва мазкур Осиё ўйинлари иштирокчиларини тарихий сана билан муборакбод этамиз.
