"Betis"da ijara asosida o‘ynayotgan "Barselona" hujumchisi Vitor Roke o‘z qiyinchiliklari haqida gapirdi.

19 yoshli futbolchi yil boshida Braziliyadan Kataloniya klubiga ko‘chib o‘tganidan so‘ng jamoada o‘z o‘rniga ega bo‘lmagan, shu bois yozda ijaraga berilgandi.

"Oilam va men juda qiyin kunlarni boshdan kechirdik. Olti-etti oydan beri tabassum qilmadim, lekin endi yana hammasi yaxshi. "Betis"da juda xursandman, tabassumim qaytdi. Men bu yerda o‘ynashni davom ettirmoqchiman, chunki o‘zimni ajoyib his qilyapman", - deya braziliyalikning so‘zlarini keltiradi jurnalist Fabrisio Romano.

Vitor Roke joriy mavsum boshidan buyon yettita o‘yinda bitta gol urdi.