"Бетис"да ижара асосида ўйнаётган "Барселона" ҳужумчиси Витор Роке ўз қийинчиликлари ҳақида гапирди.
19 ёшли футболчи йил бошида Бразилиядан Каталония клубига кўчиб ўтганидан сўнг жамоада ўз ўрнига эга бўлмаган, шу боис ёзда ижарага берилганди.
"Оилам ва мен жуда қийин кунларни бошдан кечирдик. Олти-етти ойдан бери табассум қилмадим, лекин энди яна ҳаммаси яхши. "Бетис"да жуда хурсандман, табассумим қайтди. Мен бу ерда ўйнашни давом эттирмоқчиман, чунки ўзимни ажойиб ҳис қиляпман", - дея бразилияликнинг сўзларини келтиради журналист Фабрицио Романо.
Витор Роке жорий мавсум бошидан буён еттита ўйинда битта гол урди.
