Niderlandiyalik mutaxassis Rud van Nistelroy «Manchester Yunayted» bosh murabbiyi lavozimida hamyurti Erik ten Xag o‘rnini egallashi mumkin. Bu haqda "ESPN" xabar bermoqda.
«Van Nistelroy murabbiyga o‘xshaydi va u kabi harakat qiladi. Rud futbolchilar bilan individual uchrashuvlar o‘tkazadi, u allaqachon klubda ma’lum bir auraga ega. Bu haqda hozircha hech kim baland ovozda gapirmayapti, biroq van Nistelroy «MYU»ning yangi bosh murabbiyi bo‘lsa, hech kim hayron bo‘lmaydi», — deya klubdagi manbaning so‘zlarini keltiradi nashr.
Eslatib o‘tamiz, van Nistelroy o‘tgan yozda «Manchester Yunayted» murabbiylar shtabiga kelib qo‘shilgandi.
