Нидерландиялик мутахассис Руд ван Нистелрой «Манчестер Юнайтед» бош мураббийи лавозимида ҳамюрти Эрик тен Хаг ўрнини эгаллаши мумкин. Бу ҳақда "ESPN" хабар бермоқда.
«Ван Нистелрой мураббийга ўхшайди ва у каби ҳаракат қилади. Руд футболчилар билан индивидуал учрашувлар ўтказади, у аллақачон клубда маълум бир аурага эга. Бу ҳақда ҳозирча ҳеч ким баланд овозда гапирмаяпти, бироқ ван Нистелрой «МЮ»нинг янги бош мураббийи бўлса, ҳеч ким ҳайрон бўлмайди», — дея клубдаги манбанинг сўзларини келтиради нашр.
Эслатиб ўтамиз, ван Нистелрой ўтган ёзда «Манчестер Юнайтед» мураббийлар штабига келиб қўшилганди.
