«Bavariya» so‘nggi 4 uchrashuvda ilk g‘alabasini qo‘lga kiritdi.
Vensan Kompani boshchiligidagi jamoa Bundesliganing 7-turida «Shtutgart»ni qabul qilib, 4:0 hisobida zafar quchdi.
Shu tariqa, «Bavariya» so‘nggi 4 uchrashuvda ilk bor g‘alaba qozondi.
Bu davrda myunxenliklar ikki marta – Germaniya chempionatida «Ayntraxt» (3:3) va «Bayer» (1:1) bilan durang o‘ynagan, Chempionlar ligasida «Aston Villa»ga imkoniyatni boy bergan (0:1).
«Bavariya» Bundesligada 7 turdan keyin 17 ochko bilan peshqadamlik qilmoqda.
