"Liverpul" bosh murabbiyi Arne Slot APLning 8-turi doirasidagi "Chelsi" ustidan qozonilgan g‘alaba (2:1) haqida fikr bildirdi.

"Oldingi o‘yinlarning ko‘pi qiyin bo‘lgan, ammo bu, ehtimol, eng qiyini edi. G‘alaba qozonish uchun juda qattiq kurashishimiz kerak edi.

Tanaffusgacha hisob bizning foydamizga 2:0 bo‘lishi mumkin edi. Biroq, keyin gol o‘tkazib yubordik, lekin yana kuchayib, ikkinchi golni kiritdik.

Qanchalik yaxshi jamoaga duch kelsangiz, sizga shunchalik ko‘p xarakter kerak bo‘ladi. Premyer-ligada yaxshi raqiblar ko‘p, agar g‘alaba qozonishni istasangiz, kurashishingiz kerak", - dedi Slot BBC bilan suhbatda.