U ertaga oltin medal uchun gilamga chiqadi.
Xabar berganimizdek, Albaniyaning Tirana shahrida sport kurashlari bo‘yicha U-23 Jahon chempionati start oldi.
Musobaqaning ilk kuni doirasida yunon-rum kurashi bahslari tashkil etildi. Unda ishtirok etgan O‘zbekiston terma jamoasi a’zosi Alisher G‘aniyev (60 kg) finalga yo‘l oldi.
U yarim final bosqichida Ozarbayjon vakili Nihad Guluzadeni 9:0 hisobida mag‘lubiyatga uchratdi.
Endilikda G‘aniyev ertaga neytral maqomdagi sportchi Dinislam Bammatovga qarshi final jangida gilamga chiqadi.
