«Milan» yarim himoyachisi Kristian Pulishich Chempionlar ligasida burchakdan to‘g‘ridan-to‘g‘ri zarba berib, gol urdi.
AQSH terma jamoasining 26 yoshli futbolchisi Chempionlar ligasi umumiy bosqichi 3-turidan o‘rin olgan «Bryugge»ga qarshi o‘yinda (1:0, birinchi bo‘lim) hisobni ochdi.
34-daqiqada Pulishich burchak zarbasidan to‘pni Belgiya jamoasi darvozasiga yo‘lladi.
To‘p hech kimga tegmadi, darvozabon Simon Minyole tahdidni bartaraf eta olmadi va gol kiritildi.
Eslatib o‘tamiz, Pulishich joriy mavsum «Milan» safida 11 ta o‘yinda maydonga tushib, 7 ta gol urdi va 3 ta golli uzatmani amalga oshirdi.
