"Barselona" bosh murabbiyi Xans-Diter Flik 8:2 hisobida yakunlangan mashhur o‘yin haqidagi savolga javob berdi.
2020 yil avgust oyida "blaugrana" Chempionlar ligasi chorak finalida "Bavariya"ga 2:8 hisobida imkoniyatni boy bergandi. O‘shanda myunxenliklar jamoasini joriy mavsumdan beri "Barselona"ni boshqarib kelayotgan Flik boshqargan.
Chorshanba kuni Kataloniya grandi "Bavariya"ni mag‘lub etdi (4:1). Uchrashuvdan so‘ng jurnalistlar nemis mutaxassisiga to‘rt yil oldingi o‘yin haqida eslatib o‘tishdi.
"8:2? Bu o‘tmishning bir qismi, endi bu men uchun ahamiyatli emas. Hozir biz yangi bosqichga o‘tmoqdamiz, yangi boblar yozyapmiz va bu menga juda yoqadi. Odamlar, jamoa, ishqibozlarning ishtiyoqi - biz ulardan qarzdormiz", - dedi Flik.
