"Барселона" бош мураббийи Ханс-Дитер Флик 8:2 ҳисобида якунланган машҳур ўйин ҳақидаги саволга жавоб берди.
2020 йил август ойида "блауграна" Чемпионлар лигаси чорак финалида "Бавария"га 2:8 ҳисобида имкониятни бой берганди. Ўшанда мюнхенликлар жамоасини жорий мавсумдан бери "Барселона"ни бошқариб келаётган Флик бошқарган.
Чоршанба куни Каталония гранди "Бавария"ни мағлуб этди (4:1). Учрашувдан сўнг журналистлар немис мутахассисига тўрт йил олдинги ўйин ҳақида эслатиб ўтишди.
"8:2? Бу ўтмишнинг бир қисми, энди бу мен учун аҳамиятли эмас. Ҳозир биз янги босқичга ўтмоқдамиз, янги боблар ёзяпмиз ва бу менга жуда ёқади. Одамлар, жамоа, ишқибозларнинг иштиёқи - биз улардан қарздормиз", - деди Флик.
