"Bavariya"ning Vensan Kompani qo‘l ostidagi o‘yin uslubi "Barselona"dan 1:4 hisobidagi og‘ir mag‘lubiyatdan so‘ng tanqid ostiga olindi.

Myunxenliklar chorshanba kuni bo‘lib o‘tgan Chempionlar Ligasi o‘yinida kataloniyaliklarga yutqazdi. Jurnalist Kristian Falkning so‘zlariga ko‘ra, "Bavariya" rahbariyati ichida Kompanining o‘ta xavfli o‘yin o‘ynash uslubi haqida allaqachon muhokamalar olib borilmoqda. Klub boshliqlarining fikricha, yevrokuboklarda kuchli raqiblarga qarshi o‘yinlarda bunday taktika o‘rinsiz va bu davom etishi mumkin emas. Belgiyalik murabbiyni faqat sport direktori Maks Eberl himoya qilmoqda - aynan u 38 yoshli mutaxassisni tayinlash tashabbuskori bo‘lgan.

"Bavariya" 7 turdan keyin 17 ochko bilan Bundesliga turnir jadvalida peshqadamlik qilmoqda, ammo ikkinchi o‘rindagi "RB Leypsig"da ham shuncha ochko bor. Chempionlar ligasida myunxenliklar uchta uchrashuvdan so‘ng 3 ochko bilan atigi 23-o‘rinni egallab turibdi.