"Бавария"нинг Венсан Компани қўл остидаги ўйин услуби "Барселона"дан 1:4 ҳисобидаги оғир мағлубиятдан сўнг танқид остига олинди.
Мюнхенликлар чоршанба куни бўлиб ўтган Чемпионлар Лигаси ўйинида каталонияликларга ютқазди. Журналист Кристиан Фалькнинг сўзларига кўра, "Бавария" раҳбарияти ичида Компанининг ўта хавфли ўйин ўйнаш услуби ҳақида аллақачон муҳокамалар олиб борилмоқда. Клуб бошлиқларининг фикрича, еврокубокларда кучли рақибларга қарши ўйинларда бундай тактика ўринсиз ва бу давом этиши мумкин эмас. Бельгиялик мураббийни фақат спорт директори Макс Эберль ҳимоя қилмоқда - айнан у 38 ёшли мутахассисни тайинлаш ташаббускори бўлган.
"Бавария" 7 турдан кейин 17 очко билан Бундеслига турнир жадвалида пешқадамлик қилмоқда, аммо иккинчи ўриндаги "РБ Лейпциг"да ҳам шунча очко бор. Чемпионлар лигасида мюнхенликлар учта учрашувдан сўнг 3 очко билан атиги 23-ўринни эгаллаб турибди.
