"Tottenxem" bosh murabbiyi Ange Postekoglu Yevropa ligasi doirasida AZ Alkmaar ustidan qozonilgan g‘alabadan so‘ng (1:0) o‘z fikrlari bilan o‘rtoqlashdi.
53-daqiqada Risharlisonning penaltidan urgan goli evaziga "shporlar" ustunlikni qo‘lga kiritdi. London jamoasi umumiy bosqichning uch turidan so‘ng yo‘qotishlarsiz - to‘qqiz ochko to‘plagan.
"Umuman olganda, menimcha, biz yaxshi ish qildik. Balki yana bir nechta gol urishimiz mumkin edi, ammo barcha o‘zgarishlarni inobatga olgan holda jamoa munosib ish qildi.
Yevrokuboklardagi o‘yinimiz? Biz faqat shu kungacha erishgan narsalarimizga qarab baho berishimiz mumkin. Uchta g‘alaba – yaxshi boshlanish va biz keyingi sinovga tayyor bo‘lamiz", dedi Postekoglu TNT Sports nashriga.
