"Тоттенхэм" бош мураббийи Анге Постекоглу Европа лигаси доирасида АЗ Алкмаар устидан қозонилган ғалабадан сўнг (1:0) ўз фикрлари билан ўртоқлашди.
53-дақиқада Ришарлисоннинг пенальтидан урган голи эвазига "шпорлар" устунликни қўлга киритди. Лондон жамоаси умумий босқичнинг уч туридан сўнг йўқотишларсиз - тўққиз очко тўплаган.
"Умуман олганда, менимча, биз яхши иш қилдик. Балки яна бир нечта гол уришимиз мумкин эди, аммо барча ўзгаришларни инобатга олган ҳолда жамоа муносиб иш қилди.
Еврокубоклардаги ўйинимиз? Биз фақат шу кунгача эришган нарсаларимизга қараб баҳо беришимиз мумкин. Учта ғалаба – яхши бошланиш ва биз кейинги синовга тайёр бўламиз", деди Постекоглу TNT Sports нашрига.
