"Manchester Yunayted" Lissabonning "Sporting" klubidan Ruben Amorimni murabbiylik lavozimiga taklif qilish borasidagi sa’y-harakatlarini kuchaytirmoqda.
Portugal manbalari xabariga ko‘ra, "qizil iblislar" Amorimning navbatdagi Premyer-liga o‘yinida jamoani boshqarishini istashmoqda.
Boz ustiga, 39 yoshli mutaxassis ertaga, 30 oktyabr kuni Angliyaga jo‘nab ketishi mumkin. APLning navbatdagi turida “Manchester Yunayted” o‘z maydonida “Chelsi”ni qabul qiladi. Uchrashuv 3-noyabr, yakshanba kuni “Old Trafford”da bo‘lib o‘tadi.
