Yangi mavsumni butunlay boshqacha o‘tkazayotgan Rafinya "Barselona" rahbariyati tomonidan mukofotlanishi mumkin.
Sport nashri xabariga ko‘ra, "ko‘k-anorranglilar" rahbariyati yuqori sermahsullik ko‘rsatayotgan 27 yoshli braziliyalik vingerga yangi shartnoma taklif qilish masalasini ko‘rib chiqmoqda.
Hozirda Rafinyaning amaldagi shartnomasi 2027 yilning iyun oyigacha mo‘ljallangan. U 2022 yilda "Lids"dan 55 million yevro evaziga sotib olingandi.
Rafinya joriy mavsum barcha turnirlarda 14 ta o‘yinda 10 ta gol urib, 9 ta assist berdi.
