Shu kunlarda Chernogoriyaning Budva shahrida boks bo‘yicha yoshlar o‘rtasida jahon chempionati o‘tkazilmoqda.

Kecha musobaqada yarim final bahslari bo‘lib o‘tdi. Unda ishtirok etgan 13 nafar hamyurtimizdan 10 nafari g‘alaba qozondi va final yo‘llanmasini qo‘lga kiritdi. Ushbu natija bilan terma jamoamiz eng yaxshisi bo‘lib turibdi. 3 ta vakillarimizdan esa, biroz omad yuz o‘girdi va ular bronza medali bilan musobaqani yakunlaydigan bo‘ldilar.

Qozog‘istonning 7 nafar a’zosi finalga chiqdi (qo‘shnilarimizning 17 bokschisi yarim finalda jang qildi).

Finalga chiqqan bokschilarimiz bilan tanishing:

Yoshlar:
-48 kg: Sayfiddin Sobirov
-57 kg: Samandar Olimov
-63,5 kg: Abdulaziz Jo‘raqulov
-75 kg: Jafarbek Shaxbozov
-86 kg: Akmaljon Isroilov
-92 kg: Halimjon Ma’masoliyev
+92 kg: Shahzod Polvonov

Qizlar:
-48 kg: Jasmin Tohirova
-81 kg: Ruhshona Parpiyeva
+81 kg: Sobiraxon Shaxobiddinova

Bronza medal:
-54 kg: Sobirjon Tastanov
-71 kg: Muhammad Azizbek Ismoilov
-70 kg: Oysha Toirova.