Шу кунларда Черногориянинг Будва шаҳрида бокс бўйича ёшлар ўртасида жаҳон чемпионати ўтказилмоқда.

Кеча мусобақада ярим финал баҳслари бўлиб ўтди. Унда иштирок этган 13 нафар ҳамюртимиздан 10 нафари ғалаба қозонди ва финал йўлланмасини қўлга киритди. Ушбу натижа билан терма жамоамиз энг яхшиси бўлиб турибди. 3 та вакилларимиздан эса, бироз омад юз ўгирди ва улар бронза медали билан мусобақани якунлайдиган бўлдилар.

Қозоғистоннинг 7 нафар аъзоси финалга чиқди (қўшниларимизнинг 17 боксчиси ярим финалда жанг қилди).

Финалга чиққан боксчиларимиз билан танишинг:

Ёшлар:
-48 кг: Сайфиддин Собиров
-57 кг: Самандар Олимов
-63,5 кг: Абдулазиз Жўрақулов
-75 кг: Жафарбек Шахбозов
-86 кг: Акмалжон Исроилов
-92 кг: Ҳалимжон Маъмасолиев
+92 кг: Шаҳзод Полвонов

Қизлар:
-48 кг: Жасмин Тоҳирова
-81 кг: Руҳшона Парпиева
+81 кг: Собирахон Шахобиддинова

Бронза медал:
-54 кг: Собиржон Тастанов
-71 кг: Муҳаммад Азизбек Исмоилов
-70 кг: Ойша Тоирова.