Vinisius Saudiya Arabistonidan milliard dollarlik taklifni ko‘rib chiqmoqda.

"Relevo" xabariga ko‘ra, «Real Madrid» vingeriga Yaqin Sharqdan taklif bor. Bu Vinisiusni dunyodagi eng ko‘p maosh oluvchi futbolchiga aylantiradigan 1 milliard yevrolik besh yillik shartnoma.

"Footmercato" xabariga ko‘ra, Saudiya Arabistoni hukumati delegasiyasi futbolchini «Al-Hilol»ga o‘tishga ko‘ndirish uchun Madridga tashrif buyurgan. Braziliyalik futbolchiga ulkan loyiha taqdim etildi va unga 4 mavsum davomida «futbol olamida hech qachon ko‘rilmagan» maosh taklif qilishdi. Ular Vinisiusni liganing bosh yuziga va 2034 yilda ushbu mamlakatda bo‘lib o‘tadigan jahon chempionati ramziga aylantirmoqchi.

Yevropaning bir qancha boy klublari, jumladan, «PSJ», «Manchester Yunayted» va «Chelsi» ham vaziyatni kuzatmoqda. «Real Madrid» Vinisius shartnomasining so‘nggi yilida uzaytirilmasdan qolishi mumkin bo‘lgan «Mbappe holati»ning takrorlanishini qat’iyan istamaydi, shuning uchun yaqin kelajakda yangi muhokamalar kutilmoqda.

"Footmercato" ma’lumotlariga ko‘ra, Vinisius o‘zini Yaqin Sharqda sinab ko‘rishga tayyor, ammo 2026 yildan keyin ko‘chib o‘tish niyatida. Ungacha u Yevropada o‘ynashni davom ettirmoqchi va kelasi yil yana «Oltin to‘p» uchun kurashmoqchi.