«Paxtakor» Elit Chempionlar Ligasi 4-turida 5 noyabr kuni Toshkentda Qatarning «Ar-Rayyan» jamoasini qabul qiladi.
Ushbu klub bilan ilgari to‘qnash kelinmagan. «Rayyan» 8 karra Qatar chempioni bo‘lib, 6 bor Qatar Amiri Kubogi, 4 marta Qatar Kubogi va 5 marta Shayx Jassim Kubogi g‘olibiga aylangan. Oxirgi chempionligini 2015-16 yilgi mavsumla qo‘lga kiritgan. Jamoani mahalliy mutaxassis Yunus Ali boshqarib kelmoqda. Chempionlar Ligasi uchun «Rayyan» safida qatarlik o‘yinchilardan tashqari 12 nafar xorijlik futbolchi ro‘yxatdan o‘tkazilgan.
«Paxtakor» Qatarning boshqa jamoalari bilan xalqaro musobaqalarda faqat Chempionlar Ligasida o‘ynagan.
«Paxtakor»ning Qatarning 5 klubiga qarshi jami 18 uchrashuvda maydonga tushgan. «Garafa» bilan eng ko‘p duch kelgan – 6 bor. «Sadd» va «Duxayl» bilan to‘rt martadan, «Qatar» SK va «Arabi» bilan esa ikkitadan uchrashuv o‘tkazilgan. Bu o‘yinlarda 5 g‘alaba, 5 durang va 8 mag‘lubiyat kuzatilgan. Raqiblar darvozalari 26 marta ishg‘ol qilinib, 29 to‘p o‘tkazib yuborilgan.
Toshkentda Qatar jamoalariga qarshi yetti bellashuv bo‘lib o‘tgan. Ular 4 g‘alaba va 3 durang qayd etilgan. 14 to‘p kiritilgan va 6 gol qo‘yib yuborilgan. Quyida ”Paxtakor” bilan to‘qnash kelgan Qatar klublari va natijalar aks etgan.
«Al Garafa» - 3:0, 3:4, 2:2, 2:0, 0:1, 1:2
«Qatar» SK - 1:0, 0:0
«Al Sadd» - 1:1, 1:2, 2:2, 1:2
«Al Arabi» - 3:1, 1:0
«Duxayl» - 1:3, 2:2, 2:3, 0:3.
