«Bavariya» sport direktori Maks Eberl jamoa to‘g‘ri yo‘lda ekanligiga ishonch bildirmoqda.
Chempionlar ligasida «Barselona»ga yutqazib qo‘ygan (1:4) Vensan Kompani jamoasi ketma-ket uchta g‘alabani qo‘lga kiritdi - «Boxum» (5:0), «Mayns» (4:0) va «Union» (3:0).
«Barselona» bilan bo‘lgan o‘yinga doimo qaytaverishning hojati yo‘q. Biz 1:4 hisobida mag‘lub bo‘ldik, ikkinchi taymni yomon o‘tkazdik, lekin endi ketma-ket uch uchrashuvda gol o‘tkazib yubormadik - bu 2020 yildan beri bo‘lmagan edi. Bu bizga qadam-baqadam rivojlanish kerakligini anglatadi. Yozda ko‘p narsa o‘zgardi, yangi murabbiyni taklif qildik, boshqacha futbol o‘ynay boshladik. Ba’zi jihatlarni o‘zlashtirishimiz kerak va jamoa buni yaxshi uddalayapti. «Bavariya» Bundesligada juda zo‘r natijalar ko‘rsatmoqda», - deya Eberlning so‘zlarini keltirmoqda "Bayern & Germany".
