"Barselona" bosh murabbiyi Xans-Diter Flik kelajakda ko‘proq rotasiyadan foydalanadi.

Bu haqda u Kataloniya derbisidagi ishonchli g‘alabadan so‘ng gapirdi.

"Ba’zi futbolchilar jarohatdan qaytishdi. O‘yinlar ko‘p, shuning uchun biz o‘zgarishlar qilamiz. Rojdestvo bayramida xalqaro tanaffus, keyin yana tanaffus bo‘ladi. Bizga barcha futbolchilar kerak. Hamma o‘ynashni xohlaydi - bu normal holat. Mumkin bo‘lgan qaytalanishlarning oldini olish uchun daqiqalarni asta-sekin oshiraman" - dedi Flik.

Eslatib o‘tamiz, "Barselona" La Liganing joriy mavsumida faqat bir marta ochko yo‘qotdi. “Real”dan hozirda 9 ochko farqi bor, ammo “Los Blankos”da hali bitta zaxira o‘yini bor.

Eslatib o‘tamiz, "Barselona" mavsum boshida juda ko‘p jarohatlarga duch kelgandi. Dani Olmo, Fermin Lopes, Lamin Yamal va yana bir qancha futbolchilar turli darajadagi jarohat olishgan, biroq ularning aksariyati tuzalib, maydonga qaytishgan.