"Manchester Siti" bosh murabbiyi Pep Gvardiola joriy mavsumda klubdagi muammolar haqida gapirdi.

"Biz faqat bitta o‘yinda mag‘lub bo‘ldik. Yana mag‘lub bo‘lishimiz mumkin, ammo hozir biz top jamoa bo‘lgan “Liverpul”dan atigi ikki ochko ortda qolmoqdamiz.

Biz Chempionlar ligasini yaxshi boshladik, lekin odamlar bizdan liganing 38 turida g‘alaba qozonishimizni va har mavsumda treblni qo‘lga kiritishimizni kutishlarini bilaman.

Buni amalga oshirish qiyinligining asosiy sababi shundaki, bizda ko‘plab o‘yinchilar maydonni tark etmoqda.

Ba’zida treblni yutish uchun jarohatlarsiz bo‘lish kerak, ammo bu safar buning iloji yo‘q. Oskar Bobb mavsumoldidagi eng muhim o‘yinchimiz edi va u jarohat olib safdan chiqdi.

Rodri dunyoning eng yaxshi o‘yinchisiga nomzod bo‘lgan edi va hozir uni shuning uchun tan olishimiz kerakki, usiz biz juda qiyin ahvolda qolamiz.

Har bir o‘yin tobora qiyinlashib boraveradi", - deya Gvardiolaning so‘zlarini keltirmoqda Sky Sports.