Simone Indzagi "Inter"ning "Arsenal" bilan bo‘lajak o‘yini haqida gapirdi.
Jamoalar Chempionlar ligasi umumiy bosqichining 4-turida to‘qnash kelishadi. O‘yin 6 noyabr kuni bo‘lib o‘tadi.
"O‘tgan yillarda dastlabki uchta o‘yindan so‘ng guruh bosqichi qanday yakunlanishini taxmin qilish mumkin edi, ammo bu yangi format bilan hisob-kitob qilib bo‘lmaydi. Biz Yevropaning eng kuchli jamoalaridan biriga qarshi o‘ynaymiz va biz eng yaxshi o‘yin ko‘rsatishimiz kerak.
Arteta so‘nggi yillarda o‘zini eng yaxshi menejerlardan biri ekanligini isbotladi. Biz imkon qadar ko‘proq to‘pga ega bo‘lishga harakat qilishimiz kerak, lekin ko‘p pressing qiladigan jamoa bilan o‘ynaymiz. Biz xarakter ko‘rsatishimiz va qo‘rqmasligimiz kerak", - dedi “Inter” bosh murabbiyi.
